रातो र चन्द्र सुर्य
बाँच्नु नै छ यदि भने, बाँच नेपाली भै
बोल्नु नै छ यदि भने, बोल नेपाल नै
आमाको नै गर यदि गर्ने भए याद
भएकोमा नेपाली नै बाँच गर्वसाथ।
दुई हाथ जोड्ने भए, जोड नेपाललाई
आमालाई रोज, पाउने भये ईश्वरलाई
सुन हीरा यही खोज नगरेर बेर
आफुलाई पाउने भये नेपाल लाई हेर।
मुटुभरी छातीभरी नेपाली भै बाँच
हर सास्-सास मेची—काली लीई बाँच
माटो पारी पवित्र यो धरतिको बाँच
नेपाल यो तातो रगत लीई बाँच।
नेपाली हो भने तिमी बोक नेपाललाई
मुटुको त्यो धद्कन्मा, साँच नेपाललाई
नेपालकै माया गर, माया लाग्छ भने
नेपालीकै निम्ती मर मर्नुपर्छ भने।
by- श्री ५ महाराजधिराज ज्ञानेन्द्र बिरबिक्रम शाह देव
No comments:
Post a Comment